01 أبريل 2009

رجعت طفلة لمدة يوم
























اتعزمت على رحلة يوم للاسماعيليه بدون الولاد مع مرات اخويا ..
وكان يوم غريب اوى من اوله كان حلو والكل بيهزر ويضحك و يغنى ..
كان معانا مديرة مدرسه ما شاء الله عليها اول مبدانا نتحرك قعدت تقول ادعيه جميله وكل الاتوبيس بيقول وراها وانا معاهم
احساس جميل اوى انك تروح رحله اولها ذكر الله ..
بدون اى سابق انزار السواق شغل الكاسيت على اخره و (على يا على ) والكل بعد ما كان بيردد الادعيه بدأ يصقف ويغنى وكانهم ولا كانو بيدعو
وصلنا نادى الشرطه معرفش ايه الى حصل وقالو مفيش غير كارنيه واحد .. يعنى مش نافع جروب بكامله
راحو بينا نادى التجديف .. دخلنا وياساتر على الى حصل .. الرحله اتقسمت تلات اقسام ..
قسم معترض على النادى لدرجه مدخلوش من الباب
وقسم دخل وقال الى مش عاجبه يرجع التوبيس
أما القسم التالت فقاعد يتفرج وطبعا انا منهم
بعد خناقة و زعيق كتير اوى ولازم نروح النادى بتاعنا ..
كانت صلاة الجمعه قربت خلاص ..
طلعنا على نادى القوات المسلحة و فعلا بجد كان فرق كبير اوى
بعد صلاة الجمعة .. واول ماقعدنا حصلت خناقه تانى بين فريقين !!
كانت اللى عزمانى من القسم المنتصر وفرحانه اوى وبقى كل اللى قاعد عمال يرمى كلام على التانى
اتعرفت على اتنين زى العسل كانو من القسم التالت بتاعى اللى كان مالوش فى الموضوع غير الفرجة ..
خدنا شمسية مع بعض احنا التلاتة وقعدنا نهرج و نزلنا المية ......
و المية تللللللللللللللج
و هوااااااا بااارد جدااااااا
لدرجه مقدرناش نحط رجلينا
لكن على الرمل الشمس كانت جميله والهواء اجمل
فى اللحظات دى بس بدأنا نحس بمتعة الرحلة
اخدنا صور كتير اوى اول و فيديو كمان
انضم معانا الباقى ولعبنا غميضه ومنديل وكوره لما اتهدينا ههههههههه
بدانا رجوع بعد المغرب وطلعنا الاتوبيس ومحستش بحاجه لحد ملقيت واحده بتزغرط فى ودنى لما كان قلبى هيقف
وبتقولى وصلنا يلا بينا ههههههههه
الكل كان فرحان و مبسوط و بيرقص
كان يوم حلو فعلا .. او اقدر اقول هو ربع يوم .. بعد الخناقات والاكل والشرب و مسافة الطريق

كان نوع من التغيير ..
من غير مسؤلية
من غير قلق

حسيت فيه انى ..
انى رجعت طفلة ......... لمدة يوم .




4 التعليقات:

غير معرف يقول...

احساس جامد بجد اية الجمال والرقة والروعة دي بجد نااااااااااااااااايس

Maha Shahen يقول...

انا لو منك وحد صحانى مفزوعه بعد يوم الرحله الجميله اللي نصها عذاب دى
كنت قومت للى زغرطت دى وقربت منها وبكل هدوء وابتسام واقوم رزعاها قلم واكشر قوى كدا واقولها سرعتينى ههههههههههههه
بتمنالك التوفيق وبجد مدونتك هتذدهر ويكون ليها مستقبل باذن الله
بس اهتمى بيها دايما وابقى قولى نور قالت

غير معرف يقول...

زمان ..زمان وانا صغير كنت بحلم ابقى كبير ابقى كبير تعب القلب واتحير من الدنيا وفى المشاوير.

الحلم كان برئ مفروش بالورود والقلب كان جرئ مليان بالوعود.
ولما كبرت قلت يا ريا ريت ما كنت حلمت ولا اتمنين وقلت يا ريتنى فضلت صغير زى زمااااان.

دكتور محمد مشالى.

غير معرف يقول...

ههههههههههههههههههههههههههه ملكش حل تحفه يا دودو