29 مارس 2009

نفـــــسى ...




































زمان ..
بس مش زمان اوى ..
مكنتش بحلم باى حاجه ولا كنت بتمنى اى حاجه
كنت فاكره ان الحياه كلها حلوه و كل اللى فيها .. و كل الناس حلوين ..
كان لما حد يشتكيلى كنت بستغرب ..
ساعتها كنت بقول اكيد العيب من الى بيشتكى .. مش ممكن الناس تكون كده
وبدأ الباب ينفتح حبه حبه ..
وبدأت اشوف الحياه زى ما الناس شيفاها ..
و بدأت اشوف الناس على حقيقتها ..

و زى اى صدمه بتكون فى اولها شديده وبتخف شويه شويه ..
وبرده مبطلتش أثق فى الناس ولا أفقد الأمل فيهم ..
كل يوم كان بيعدى .. كان الباب بيفتح اكتر و بعرف أكتر و أكتر ..
ساعتها كنت باحس ان الواحد مكنش عايش فى الدنيا و لا حتى اتعامل مع الناس ..

دلوقتى فى حاجات كتير وضحت اوى قدامى .. و ظهرلى ان العيب فى حاجات كتير ..
مش بس من اللى كان بيشتكيلى .. و لا بس من اللى بيشتكيهم .. و لا بس من الظروف ..
انما فى الضماير ..

كل واحد وله هدف فى نفسه .. و حلم فى حياته
بيعمل اى شىء يمكن تخيله عشان يوصل له
للأسف أكترها أهداف مصلحة و لغرض

بس أنا حلمى الوحيد الاقى الناس الى تحب من قلبها
من غير هدف ..
من غير مصلحة ..
من غير أى غرض ..
من غير خيانه ولا خداع...
يا ترى حلمى مستحــــــــــــــــيل ؟؟؟






1 التعليقات:

ماجد يقول...

اكيد حلمك صعب بس موجود للاسف مع قله الضمائر انعدم او مات فى زمن محتاجين فيه لكل لمسه حلوه بس الناس انهارده الاحساس مات عندهم وغرضهم هو نهش الاعراض وانتهاز الفرص


تحياتى